Olad Ki Khushi

Aaj mein ek bohut nazuk topic par bat karna chahti hun. ramzan ka mahina aur duaon ke khazane khuda ne khole hue hain. wese to humesha khule rehte hain lekin yeh mahina hi kuch esa hai k hum khud ko bhula kar sirf khuda k hojate aur us se har woh cheez mangte jo shayed humein baki 11 mahine mangne ki fursat nahi milti...

baat kuch istrah ki hai k jab ek larka aur ek larki ka rishta pakka hota hai to sab log shadiyon ki tayari mein magan rehte hain. pehle to sab log to dono ki achi kisamtein ki duaen dete hain. phir ata hai ek esa zindagi ek esa mor jab log bache k bare mein puchte hain. Abhi valima hazam kiye jumma jumma ath din bhi nahi hua hota log swal karna shuru kardete hain nuskhe dene shuru kardete hain. Agar baat 1-3 mahine tak ho jaye to logon ki soch badal jati hai agar 1 saal hojaye to log ajeeb kisam batein karte hain... larke mein nuksa hogaaa haye bicharii larki, larki mein nuks hoga larka dusri shadi karle... ajeeb kisam ka mind set humare muashre ka. Kuch logon ko fikar hoti hai bhlai k liye nuskhe bhi dete jo kamyab bhi ho jate hain lekin kuch log to itne besharam hote k samne larka larki se thik se salam liya bhi nahi to trah trah k swal aur mansube ban'e shuru hojate hain...

khair yeh upar wala hissa thora sa jazbati ho gaya. Gustakhi maaf. Asal baat to olad ki hai. Yeh woh nemat aur khuda ka tohfa hai jo dunya k har dusre shakhs ko naseeb zarur hoti hai. Dusri isliye keh rahi hun q k har kisi ko olad nahi hoti.
Yeh baat parh k shayed ap k ronte khare hojaye lekin is dunya mein ese bohut se log hai jo bina olad niina sahare k sapurde khak ho jate hain. Baaz dafa to esa hota hai k behn ya bhai ka koi bacha pal liya jata hai god leliya jata hai lekin woh bacha jab bara hota hai to apni sage ma baap ka ho hi jata hai. Agar koi aur bacha god leliya jaye to woh bhi apni sage ma bap ki talash mein zindagi guzar deta hai. Beolad logon ko kya milta hai yeh sab kuch kark k? Ek bache ki khwahish karna us khwahish ka pura hona ek yateem bache ki khidmat karna kya gunnah hai? Kahi kuch ese log bhi hote hain jo bar bar is baa ka ehsas dilate hain k bacha yeh khoon to unka hai hi nahi... kitni takleef de baat hai.

Hum log apne khud ko musalman sabat karne par tule hote hain, RASOOL SAW se behad mohobbat bhi karte hain lekin kya kisi ko yeh yaad hai k unhone ne bhi ek bache ko pala tha, Hazrat Zaid RA kisi ko yaad hai? Un k sage baap unhe dhunte dhunte un tak pohonch gaye the lekin phir bhi unhone ne un k sath jane se inkar kardiya aur unhone apni zari zindagi humare pyar nabi MUHAMMAD saw k sath guzardi... woh khoon to kisi aur ka tha lekin q k humare pyare Aqa NABI E KAREEM SAW ne ek misal jo kayem karni thi
to bohut se beolad log is misaal ko apni zindagi ka hissa banate to hain lekin kuch jahil log dil khrab karne par tule hote hain.

Orat... jisko khuda ne dunya ki sabsi bari takat se nawaza hai, 9 mahine se le kar deleivery tak ma aur bache k beech mein ek rishta qaym hojata hai k us rishte ko bayan karna k liye koi alfaz nahi milte. Lekin jis orat ki olad na ho sake ya jo mard is khushi se mehroom reh jaye unki takleef ko samajhni ki bjaye log ajeeb ajeeb baatein karte hain. Aur baaz dafa esa hota hai k baatein karne wali ki oladen is qadar badikhlaq hoti hai k unko dekh beolad log yahi kehte hain  acha hai humari koi olad nahi.
Lekin dil mein kahi na kahi woh khwahish ek aag ki trah barati jati hai,. Lekin insaan bebas hai aur yeh q k ALLAH ki den hai isliye uski raza mein razi rehna parta hai. Koi majburi nahi hoti bas ALLAH ki is mein bhali hoti hai.

Jo log ulti seedhe baatein karte jin ka ghar ka angan un nemto se bhare hote woh yeh baat najane q nahi samajhte. LEKIN kuch ese log bhi hai jo dil mein humdardi aur labon par us couple k liye dua rakhte hain aur khuda ese logon ki jald sunta hai. Kehte hain k agar khud ki olad na ho to dusre bacho ko jeen jaan se pyar karo kya pata ALLAH ko apki yeh adat pasand a jaye aur ALLAH aap par apna fazal karde.

Meri behno aur bhayyao, jin k ghar bache hai aur jin k ghar nahi hain. Mein yeh baatein kisi ka dil dukhane k liye nahi kar rahi. Bas US KHUDA PAR BHAROSA RAKHE aur mayuus na ho. Aaj meri aap sabse ek guzarish k yeh mazmoon parhne k baad agar aap kisi ese shakhs k liye couple k liye dua kare jise olad ki khwahish ho, apni zindagi k do mint nikal kar us k liye dua kare. Ramzan hai mohobbat aur dua lene dene ka naam hai...

agar koi baat buri ya ghalt kikhi ho to gustakhi maaf. =)
aaj is nacheez ko nahi balke un logon ko duaon mein yaad rakhyiega, jo is khushi k haqdar hai, kya pata apki do mint ki dua unki zindagi badal de
aur ek aur darkhast hai meri (agar apka dil kare to.. ) is mazmoon ko zarur share kijiyega, shayyed kisi ki zinsagi badal jaye aur share karne wale ko dua bhi miljaye =)

fesla ap k hath mein hai =)

sorry, aaj baat phir lambi hogayi =)

ramazan mubarak =)