Ramadan Package 2016

RAMADAN MUBARIK =)

*************************************************************************

Iftari/Sehri k Asool

 Jesa k apko maloom hai k ramzan ka babarkat mahine ka aghas hogaya hai. ALLHAMDOLILLAH aur apke ilam mein yeh bhi hoga k garmyon k roze hain. mein ap k liye aaj kuch iftari aur sehri k asool leke ayi hun aur umeed karti hun k ap in asulo se zarur faida uthayenge

1 asool:
itari k waqt roz cold drink pina mede k liye bohut nuksan de hai. cold drinks mein bohut cheini shamil hoti hai. agar aap pina hi chahte hai to hafte mein 2 baar pina thik rahega

2. asool
iftari k waqt bohut zyada pani mede k liye nuksan de hai. is se meda bhari hojata hai aur khane k liye jagha nahi bachti. iftar k doran aur us k baad glas ka pani waqfe k sath piye

3. exercise
iftar k 2 ghante baad exercise karna mein koi dikkat nahi hai. is khaya hua khana hazam hojata aur khoon ka circle bhi thik se kam karta hai. exercise namaz mein bhi hojati hai :-)

4 asool
khana aram se mukammal tor par jaba k khaen. jald bazi na kare. tez aur jaldi khane se motapa ka khatra hosakta hai

5 asool
iftari mein direct metha khane se parhez kare. q k usmein chini hoti hai aur khali mede k liye nuksa de sabit hosakti hai. iftari k 2 ghante baad sweet dish kha sakte hain

6.asool
Khane wali cheez jim mein potassium content shamil ho, woh zyada tar khaye,. un cheezon mein natural water mojud hota hai jo apk din bhar ki pyass ko cover karta hai
- kela
- milk
- khajure
- avocados
- sukhe apricots
- pista
- gaddu
- mattar
- dark choclate

BAD for Sehri:
- gosht wali cheeze
- kabab
- pizza
- fast food
- cheese

BEST for Sehri
- Alu
- Chawal
- Khajure
- Brown bread
- Kele

mujhe umeed hai k in tips se apko zarur faida hoga agar kisi k paas mazeed koi tips hain to braye mehrbani share kare.

koi ghalti hogayi to gustakhi maaf, correction ki bhi ijazat hai =)

keep ur ramzan healthy =)
Wasalam
love conquers all


**********************************************************************

Lala tul Qadar Ki Azeem Raatein

sabse pehle to mein tahe sil se mazrat chahti hun k yeh post bohut late ai. jo log ittekaf baith chuke un logon k liye  aur jo is sal ittekaf nahi baithe un liye k liye bhi dher sari duan meri taraf se. har ramzan ka besabri se intezar rehta aur lailatul qadar ka bhi. yeh akhir 10 din sirf khuda ki ibadat k liye hote. kuch log bohut khush naseeb hote aur laila tul qadar nazar ajati hai. wese to laila tul qadar sare ramzan mein kisi waqt bhi dikhai de sakti hai lekin akhiri 10 dino mein dekhne k zyada moka hota hai.
yeh choti si post zyada lamba nahi karungi bas itna kahingi k is post k niche lazman(agar apka dil kare to) ek dua zarur share kijiye, take parhe wale k mun se ameen nikle.

apna ek chota sa itekaaf baithne ka tajurba mein aap sab k sath share karna chahti hun. aaj se 2 saal pehle mein bhi itekaaf baithi th. jo log kabhi nahi baithe un k liye mein khas tor p bata rahi hun. ap 24 hrs sirf Allah ki ibadat karte hain kisi se baat nahi karte QURAN aur NAMAZ parte hain aur apka focus sirf aur sirf ALLAH ki taraf hota aur aap yakeen jane agar aap QURAN tajurme k sath parhe to ek ek ayat parte hue apko esa lagta hai k

ALLAH ne jo kuch bhi kaha sirf mujhe hi kaha jahan Allah tala ek chote se gunnah ki saza batata hai wahan woh bar bar yeh bhi kehta hai k mein baar baar reham karne wala hun.

Ittekaf se uthne k baad mujhe itna achamehsoos hua k mein us chez ko lafzo mein bayan nahi karsakti. esa laga k koi pahar tha jo mere gandho se utar gaya aur phir eid ki namaz parne ek khas hi maza aya. isliye jo log ittekaf nahi baithe woh soche aur agle saal ittekaf par baithne ka naik irada kare, insha ALLAH, Allah apko zarur moka dega =)

mein love conquers all aaj ki rat apne ma baap k liye apne liye aur apni ane wali zindagi k liye khuda se dher sari khushya mangti hun. Ae Allah!!! Ae mere rabb mujhe har burai se aur har burai ko mujhse door farma aur mujhe harwaqt teri ibadat karne ki tofeeq ata farma. Ae mere rabb!! mere in rozo ko qabool farma. ae mere rab!! jo is saal ittekaf baithe hain un ki duaon ko qubool farma aur un sab ki mushkilat door farna. AMEEN ALLAH HUMMA AMEEN

regards
love conquers all