Love Conquers All : Urdu Novel Qissa Khatam

Qissa Khatam ( Part 1 )

yeh baat aj se 4 saal pehle ki thi. Study khatam hone k baad woh farigh thi isiliye sara din uska net par hi guzarta. Yun dosto se milte milte woh mili apni mohobbat se. Ajkal k naujawano ko net par love karne ka bohut craze hogaya hai. Wese to woh in sab baato par believe nahi karti thi lekin qudrat ne bhi socha chalo ek sabak hi de dete hain. Baatein bohut hi pyari karta tha woh. Kuch din baad baton baton mein larke ne larki se kaha ''u live in my heart''. larki ko bohut ghussa aya aur woh sochne lagi k do din baat karne bad koi kisi ko yeh kese kehdeta hai. Larki ne bohut ghussa kiya aur dono mein khoob larai hui. Kuch dino baad larki ko ehsaas hua k shayed usne us larke k sath thik nahi kiya aur phir se sorry ka msg kar dala aur undono ki dosti phir se hogai. Kabhi larte to kabhi jhagarte to kabhi phir se dost ban jate. Yun karte karte najane kab un dono ki dosti mohobbat mein badal gai. Aksar jab woh larka us larki se kuch din baat na karta to woh larki bohut bechain hojati. woh use bohut msgs karti rehti. Jese hi woh wapis ata woh use khub larti lekin woh larka hans kar uski baat maan leta. Esa karte karte ek din larki ne socha ''am i in love with him''? Is baat ka use tab ehsaas hua jab woh yeh sochti k woh larka uski har baat sunta hai use achi suggestion deta humesha uska dil khush kardeni wali baatein karta hai. Woh larki us k sath apni har baat share karti rehti. Q k ghar mein use puchne wala koi tha nahi...

ek din us larki ne us larke ko bola ''you live in my heart'' bas phir kya, unki mohobbat beinteha hogayi.din raat shaam subha dopeher harwaqt woh larki us k bare mein sochti rehti. Phir ek esa waqt aya k woh larka bohut dino tak gayab rehne laga. Larki ko bara ajeeb lagne laga k akhir woh hai kahan. Jab bhi woh wapis ata to woh pareshani mein akar use ghusse mein pata nahi kya kuch keh jati. Lekin woh larka use mana leta. Bas yeh ane jane ka silsila chalta raha aur kabhi kabhi to larka 2 3 hafte gayab rehne laga. Woh larki use msgs karti call karti lekin koi response na ata. Jese hi woh wapis ata koi na koi bahana karta aur larki ko mana leta. Lekin ab larki us k gayab rehne ki adat dalchuki thi. Es din ghusse mein akar larki ne larke ko jane ko boldiya:

larka: acha... agar tum kehti ho to mein chala jata hun...

larki dargai... agar yeh such mein chala gaya to?

Larki: tum kya such mein chale jaoge? …

larka:are pagal tumne kehdiya aur mein chala gaya? …

larki: ainda na esa kehna mein to pagal hun kuch bhi boldeti hun ghusse mein akar... tum jante ho na k tum mere liye kitne important ho?

larka: tum chaho to bhi mein tumhe kabhi chor kar nahi jaunga.. tum jaan ho meri...

ek din subha larki jab uthi to use uski bohut yaad ayi usne use msg kiya to dekha k woh online tha. Aaj to baat hokar hi rahegi akhir majra kya hai? Usne use online ane ko kaha aur baith gayi us k intezar mein. 10 mint 20 mint 30 mint 1 hr 2 hrs. kuch der baad larki ne larke ko msgs kiya

larki:kahan ho tum mein kabse tumhara w8 karrahi hun

larka: ohh sorry mein bahir chala gaya tha

kya matlab bahir chala gaya? Woh larki uska harwaqt intezaar karahi thi aur use bahir jane ki pari hui thi? … why? Larki ko itna ghussa aya itna ghussa aya k usne apna mobile uthakar table par de mara aur lekin woh bhi tut ta tut ta bacha. Is k baad kya hua?? wohi jo humesha se hota aya. Jese jese woh larka us k sath baat na karta us larki ka ravaya b din b din badalta gaya. Jo bhi us se baat karta woh age se ghussa kar jati. Larki aksar sochti rehti k kya woh larka such mein kisi majburi mein mubtila hai ya woh us k sath khel raha hai. Usne socha k chalo ek tajurba karte hain. Jab bhi woh larka us c baat karta to larki use ignore kardeti. Kabhi kabhi to woh uske kisi msg ka jwab nahi deti. Woh Us se thik se baat na karti. Ek din larke ne larki ki khamoshi note ki. Woh larka use msgs karta raha lekin woh use koi jwab na deti agar deti to bas …

larka: akhir tujhe ho kya gaya hai tu baat q nahi karti mujhse?

Larki: mein masroof hun

larka: mere se bhi zyada zaruri hai teri masroofiyat. Tu to msgs parh kar jwab bhi nahi deti...

larki: tum bhi to baat nahi karte... phir mein kya karun?

Larka: tu mujhse pyar nahi karti?...

larki khamosh rahi.

Larka: chal thik hai … meri bhi shadi hojayegi phir mein bhi masroof hojaunga

larki: kon hai woh khush naseeb …

larke ne apni mangetar ka naam btaya.

Yeh baat to taeh thi k woh dono kabhi ek nahi hosakte the... lekin jo waqt abhi hai use to khubusurat bnao...Waqt guzarta gaya aur us larke ka kuch pata nahi tha… na msgs na call na sms. larki ne bohut calls kiye msgs kiye lekin koi jwab nahi... dheere dheere woh use bulane lagi, bas ab woh tanha rehna chahti thi q k woh tanha hochuki thi woh akele karem mein baithi sisakti roti tarapti lekin uski yeh tarap kisi ki nazro se na guzarti.. uski siskiya koi na sunta uske anso koi na saaf karta. Bohut sochne k baad larki ne larke ko ''akhri'' msg kiya..

larki: mein jarahi hun... khush rehna

koi jwab na aya... kuch din baad larki ne phir se msg kiya

larki: kahan ho... ?

Jwab aya

larka: idr hi hun...

kuch din baad larke ne msg kiya...

larka: meri jaan my love!! yeh mera new number hai mujhe new number par text karna. mein w8 karunga

larki ne jab yeh msg praha aur sochne lagi k kya use usko msg karna chahiye k nahi..?akhir sham tak larke ka hhud hi msg aya aur ain uswaqt aya jab woh larki use ahista ahista bhulne lagi thi

larka: hi merii jaan.. mein agaya kesi hai tu?

Larki: thik hun tum kesa hai kahan tha tu 3 mahine ?

larka: are kya btaun. Bohut zimmedariya barh gayi hai ghar mein bohut kaam hai net par bhi kabhi nahi aya... nikkah bhi hogaya mera..

Larki: hmmm congrats …

larka: thnxx meri jaan acha sun abhi k abhi aa online tujhe dekha nahi tere sath bohut sari baatein karni hai

larki: ab tu use time de

Larka: meri us k sath baat nahi hoti

larki: to diya kar na... yahi waqt hai baad mein is waqt ko soch kar hasoge..

larka: jab woh ayegi to dekhi jayegi.. abhi to mujhe sab kuch tujh se chahiye meri jaan

larki: mujhse kya chahiye... dekh yaar mein kisi ka haq nahi marna chahti

larka: are kisi ka haq nahi marunga...

larki: mein apni bat karrahi thi k mein kisi ka haq nahi marna chahta. Woh tumhari bv hai tujh par uska zyada haq hai mujhse

larka: aur tu? Tera koi haq nahi mujhpar... ??

larki: shayed nahi

larka: bakwas na kar mein boldeta hun! Mein tere liye wapis aya hun meri jaan.

Larki. Woh bhi 3 mahine baad?

Larka: aya to sahi... chahe 3 mahine baad. Apni mohobbat wohi haq aur dava lekar aya hun... na chahne wale kabhi laut kar nahi ate meri jaan...

larki: acha... abhi to mein kisi kaam se bahir jarahi hun

larka: acha meri shadi ka gift lene jarahi hoo thnx love u for that

shadi ka gift? What ?? apni lover se koi shadi ka gift mangta hai kya? Kuch bhul to nahi gaya? Kitna besharam insaan hai woh... khair larki taza hava mein thelne chali gayi... yeh kambakht mohobbat... larki ne wapis akar larke ko msg kiya aur socha k aaj baat hi khatam kar dalte hain usne socha k koi jwab to ayega hi nahi... lekin 2 mint baad larke ne jwab diya..

larka: agai wapis?

Larki: haan..

larka: acha kesi hai kya karti rehti hai ajkal. Tujhe pata hai meine tujhe kitna miss kiya.. aaj finally tere sath bat kar raha hun

larki: bas masroof thi

larka: acha sun tu meri shadi par ayegi na?

Larki khamosh rahi...

larka: hello? U there?

Larki: yes..

larka: ayegi...

larki: pata nahi...

larka: q nahi pata?

Larki: bas nahi pata...

larka: tu ayegi mein janta hun... wese mujhe laga k tu pata nahi kahan mar khap gai hogi

larki: kya matlab? …

larka: meine samjha mein chala gaya to tu bhi hahahahaha...

larki: acha... sabko mujhe marne ki hi pari hui hai

larka: i love you so much... mein mzak karraha hun...

larki: aaj meri yaad kese agai tujhe? Tune kahin ghalti se mere msgs to nahi parliye the?

Larke: parhe the...

larki: hmmm acha mein ab sone jarahi hun bohut thak gai hun

larka: acha sun kal tu ayegi na online?

Larki: dekhti hun

larka: nahi nahii mein kal sham tera 6 baje intezar karunga online tujhe dekhna hai tere se dher sari baatein bhi karni hai mujhe nahi pata tu ayegi bas!!

larki: ok Allah hafiz...

larka: Allah hafiz...

wah kamal hai kabhi net par nahi aya zimmedariya bohut hogai aur msgs bhi read karta raha... ek baat karo

agle din larki ne socha k chalo aaj phir se try karte hain. Kya pata use akal ajaye... larki online hui... 1 hr 2 hrs 3 hrs... larke ka koi kuch pata na tha. Msgs call ka bhi koi jwab na tha. Bas woh din aur aaj ka din us larki ko us se behad nafrat hogai aur woh jab bhi us k bare mein sochti to woh roti... uska dil karta k woh khud ko kuch karde... lekin uski bebasi to dekhne jnab... kuch dino bad larke ki call ayi. Larki ne number dekha to pehle to uska dil na chahta k woh call pick na kare... lekin phir bhi usne call pick karli.

Larki: asslamoalekum

larka: wasalam kesi hai

larki: thik hun tu kesa hai

larka: mein bhi... kya karrahi hun

larki: cv likh rahi hun

larka: cv kis liye

larki: job k liye financial halat bohut tight hai humare wese bhi ghar mein baithi hun to socha kuch karlu

larka. All the best... acha sun meri shadi par ayegi tu

larki: nahi...

larka: Q nahi...

larki: shayed na a paon...

larka: kya hua hai tujhe'?

Larki: kuch nahi...

larka: tu khush nahi hui meri shadi ka sun k usdin to bohut khush thi tu

larki: mein khush hun...

call band karne k baad barish ki bunde aur larki k ansoo... yeh dil bara batameez hai.. chain hi nahi lene deta. Dmagh se sochne lago... to dil bheech mein ajata hai aur phir yeh kambakht mohobbat zeher dedeti ha... us k bawajood woh uska intezaar karti rahi. Ek din sham ko usne use msg kiya aur socha kya pata aaj baat hojaye. Lekin jwab na aya... aur jab tak aya bhi tab bohut der hochuki thi. Larki k dil mein us larke k liye nafrat sir charh kar bolrahi thi... usi din sham ko usne apni ek friend ko pick kiya aur long drive par chali gai. Us larki ki driving itni khatarnaak thi k bas aaj to marjane ka irada rakhti thi woh. Lekin shukar hai k woh akeli nahi thi. Friend ne use side par gari lagane ko kaha... woh gari se utri aur zor zor se rone lagi... friend ne use pani pilaya lekin uska ghussa uski bebasi uski nafrat aaj ek sath usko pagal karne par tuli hui thi!! yeh duri to bohut pehle ki un dono mein peda hochuki thi. q k ek din larke ne khud kaha '' humare beech bohut duriya hogayi hai? to duryan kis ki wjha se peda hui? larki ki wjha se? tab uswaqt yeh baat sunkar larki ko bohut takleef hui aur aaj jo kuch hua woh to is takleef ki intehaa thi.akhri Q??? akhir kasoor tha us larki ka? Mohobbat? koi kisi ko pyar zubaan sikha kar hath mein nafraz jesa lafz kese thama sakta hai? koi itna selgish kese hosakta hai?... isn swalo ka jwab ashiqo k paas nahi hai aur bewafa log is swal ka jwab dena pasand nahi karte... Bas woh din aur aaj ka din us larki ko mohobbat naam se bhi nafrat hochuki thi. Behad nafrat! Jab woh use yaad karti hai to nafrat bhare lafzo se yaad karti. jab woh us k tasavur mein ata to tasavur mein uska mun noch deti. Mohobbat naam ki is dunya mein koi cheez nhi hai. Bas woh yahi dua karti thi... k woh kabhi us k samne na aye.. kabhi b lekin yeh bhi dua karti k woh humesha khush rahe.

Aaj us larke ki shadi hochuki hai aur woh apne maa baap tabedar beta aur apni bv ka tabedar shohr banchuka hai. Use uski zimmedariya mubarak ho!! Magar us larki ka kya? Woh tanha hai...